Noraboa a todos e todas que conseguiran praza este ano. Se alguén non tivo sorte dabondo, podedes achegarvos polo sanatorio de Concheiro cando queirades e unirvos á nosa caravana.
Este sábado dia 19 tentaremos sair para Ponteceso ás 09.00. Preparade os GPS ou estudiade a ruta. Nós levaremos mapas para toda a xente e sinalaremos unha ruta que procuraremos seguir a unha velocidade asequible para toda a xente. En todo caso, quedamos en Ponteceso na casa de Pondal alí onde a campana de Anllóns vagamente tocando derrama nos corazóns un bálsmo triste e brando, de pasadas ilusións...
No Google Maps tedes distintas opcións para chegar. A nós achegaronnos esta: "En Santiago saes da autoestrada no km. 67, por San Lázaro. Vas a Vista Alegre, ao lado da residencia do Burgo. Alí colles a AC 404 e tiras millas. En Portomouro segues recto, a estrada pasa a chamarse AC 1914, ata Carballo. Atravesas Carballo polo centro, sen desviarte, e xa vas dar á estrada de Malpica: AC 414 (1 km. despois de Carballo, nunha rotonda de autoestrada, colles a estrada nova dirección Malpica). Xusto ao pasar Buño colles a AC 422, a Ponteceso".
Enfin, que nós sairemos en caravana dende Vigo e tentaremos ir a ritmo. Se alguén se nos quereunir no traxecto ou esperar en Ponteceso, non esquezades chamar, mellor o propio sábado para confirmar, a Xurxo ou a min. Se alguén ten unha mellor ruta e quere facer de guía, de mil amores.
Nesta saida imos comezar nunha praia, seguir un pequeno cantil, subir ata un alto no Monte Branco e baixar a pasea-las dunas e a barra, voltando logo a Ponteceso seguindo un muro dunha antiga salina. Hai un pequeno tramo de monte baixo que aconsella calzado pechado e pantalón comprido (polos toxos), polo demais non hai problema. Na pausa para a comida haberá tempo para quen queira darse un baño, xogar ás palas, facer castelos na area...
A pasalo ben.
Xosé
Nenhum comentário:
Postar um comentário